As Xornadas de BD de Ourense fan 25 anos

A cita xa clásica da banda deseñada galega, as Xornadas de Ourense, abría onte as súas portas a conmemorar 25 anos de existencia. Exposicións do certame INJUVE, dos I premios Benito Losada, dos 19 anos do Fanzine das Xornadas e mais do proxecto Historias da Galiza compoñen a apartado expositivo do evento, que conta este ano cunha actividade mínima no seu programa. Nesta edición o Premio Ourense á Mellor Iniciativa no campo da Banda Deseñada foi para a revista Oink!. Na segunda edición do Certame Benito Losada impúxose na categoría de maiores de 17 anos Julia Vicente Jiménez, mentres que entre os participantes menores desta idade Cristian Fojón Caruncho foi o gañador. As mostras premanecerán abertas ata o vindeiro 27 de outubro.