O Pazo da Cultura de Narón acolle esta tarde a estrea da última produción de Teatro do Atlántico. A compañía presenta A charca inútil a partir dun texto de David Desola, Premio Lope de Vega 2007. Con dirección de Xúlio Lago, Marcos Viéitez, María Barcala e Gonzalo M. Uriarte interpretan os personaxes dunha trama na que a protagonista deberá enfrontarse a diferentes versións dunha mesma historia e onde van xurdindo rencores, cariños e a complexa relación co pasado. A obra estará en cartel tamén o vindeiro sábado.
