Morre Ernesto Viéitez Cortizo

O sábado 21 de setembro finou en Pontevedra Ernesto Viéitez Cortizo, un histórico e destacado científico galego, especialista en estudos de fisioloxía vexetal. Cortizo foi catedrático da Universidade de Santiago de Compostela e presidente da Real Academia Galega de Ciencias, en representación da cal participou no Consello da Cultura Galega como membro do plenario desde a súa fundación en 1983. Precisamente foi esta institución quen editou unha das súas obras máis senlleiras: O Castiñeiro: bioloxía e patoloxía, escrito en colaboración con María Luísa Viéitez Madriñán e Francisco Viéitez Madriñán, que podes descargar na Mediateca do CCG.