A VI Edición do EstéNarúa, o festival de teatro afeccionado de Ferrol, desenvolverase os vindeiros 21 e 22 de setembro. Metátese Teatro, Moreashow, A Fiestra Teatro ou Teatro Estepario fan parte do programa coordinado por Ti e mais eu Teatro e que contempla un total de nove actuacións ademais dun foro teatral. Pola súa banda, será a finais de outubro, as fins de semana do 19 e 20 e do 26 e 27 cando Bergondo acolla a I Festival de Teatro Amateur de Bergondo O Noso, organizado pola agrupación teatral A Fiestra. Co programa definitivo aínda sen fechar, o evento celebrarase no restaurado edificio A Senra.
