Despois de dous anos fóra do no país, o vapor Hidria II volta a Galicia. O porto do Grove acollía onte a chegada do barco, cuxos responsables conseguiron vía crowdfunding os apoios económicos necesarios para sufragar a travesía de regreso desde Cádiz, onde tiñan a súa base. Agora comeza unha nova etapa para esta peza do noso patrimonio marítimo, na cal os seus donos pretenden crear unha asociación de colaboradores que garantan o seu mantemento para o empregar como base para diferentes actividades.
