Literatura e patrimonio marítimo homenaxean a Rosalía

A Fundación Rosalía de Castro e mais a Asociación Dorna da Arousa, en colaboración co Concello de Padrón organizan mañá o acto Que inchadiña branca vela. Unha ducia de dornas remontarán mañá, 24 de xullo a partir das 15 horas, o río Ulla ata Padrón en homenaxe á poeta. Alí ondearán velas diante da estatua de Rosalía no Espolón, onde realizarán unha ofrenda floral e haberá un recital de música tradicional. De xeito paralelo, os xardíns da Casa da Matanza acollen xa desde o pasado día 15 unha destas embarcacións aparelladas. A conexión entre literatura e patrimonio marítimo está nuns versos de Cantares Gallegos nos que a poeta fala das embarcacións que percorren o Ulla e mais o Sar.