Ézaro Ediciones acaba de presentar o número 18 da súa revista Galegos. O volume, con contidos en galego e castelán, dedícalle un amplo monográfico á etapa galega de Picasso, con artigos de Antón Castro, Pilar Corredoiro ou Rubén Ventureira e Elena Pardo entre outros. Ademais, varios textos abordan a importancia do Pazo de Baión, da man de Xosé Fortes, Antón Patiño, César Portela ou José Hidalgo Togores. Canda a isto, contidos sobre a orixe galega de Colón, Celso García de la Riega, Manuel Quiroga ou Gonzalo Bouza-Brey completan a entrega.
