O Premio Mingote, que recoñece o labor no campo do humor gráfico a nivel estatal, foi este ano para o dúo Pinto & Chinto. O galardón, que outorga o xornal ABC, recoñeceu o traballo dos dous creadores galegos nun cadriño publicado en La Voz de Galicia o 23 de xuño do pasado ano sobre as relación económica entre España e Alemaña. Pinto e Chinto son os segundos galegos en levar o premio, que anteriormente só recaera sobre Fernando Quesada Porto.
