O vindeiro 13 de xuño presentarase a programación oficial da vindeira temporada do Centro Dramático Nacional (CDN). Con todo, xa se foron filtrando nas redes sociais algúns nomes e datas. Entre eles figura, por primeira vez, unha produción galega. Trátase de Eurozone de Chévere, un espectáculo sobre a crise de Europa. Isto supón 24 funcións (entre o 30 de outubro e o 24 de novembro) na Sala Francisco Nieva do Teatro Valle Inclán de Madrid. As función desenvolveranse algunhas en versión orixinal e o resto traducidas a castelán.
