Capa de Discos Porno Vol. 1
Os discos de Uppercut e Haecceidad e mais un compilatorio de bandas galegas son a carta de presentación de Discos Porno. Este selo, que se autodefine como DIY, nace desde Ourense coa intención de promover "bandas que nos gusten". Ademais da edición de discos, o proxecto está a traballar na edición dun fanzine (Revista porno) e está a organizar diferentes concertos. As vindeiras citas son hoxe mesmo, cun concerto de Uppercut no aparcadoiro da Escola de Imaxe e Son da Coruña e o vindeiro 31, cunha actuación de Orquesta Pánico + MODULOK TRIO en La Radio (Santiago).
