O IX premio literario Frei Martín Sarmiento, que escollen os alumnos dos centros agrupados na Comisión de Normalización Lingüística de Escolas Católicas, ten xa gañadores. A Festa da Lingua que se celebrou o pasado 8 de maio acolleu a entrega destes galardóns a Xosé Tomás e María Solar por Vou ter un irmán na categoría de 1º e 2º de Educación Primaria. Para os alumnos de 1º e 2º de ESO os mellor libro foi Mortos de ningures, de Ledicia Costas e Pere Tobaruela, mentres que para na categoría de 3º e 4º de ESO e mais bacharelato impúxose O noso amor será eterno de Armando Ribadulla Corcón.
Ao tempo, déronse a coñecer os gañadores do XXI Premo Literario Xaime Isla Couto, que organiza o Concello de Poio e que este ano recibiu 142 traballos. En total entregáronse 11 dos 12 premios, seis para obras de prosa e cinco de poesía en categorías que cobren desde os seis ata os 25 anos. Os galardóns entregaranse nun acto o vindeiro 17 de maio.
