Abre a inscrición da vindeira xeira do congreso Rosalía no Século XXI

Os interesados en participar na vindeira sesión do Congreso Rosalía de Castro no Século XXI teñen xa aberta a inscrición no web do Consello da Cultura. A sede desta entidade en Compostela acollerá o vindeiro 30 de maio a nova xeira deste encontro, que se desenvolverá baixo o epígrafe Rosalía no contexto internacional: Paralelismos e influencias; difusión e actualidade. A proxección exterior da obra da poeta, a relación co canon literario do seu tempo ou os modelos estéticos do seu traballo no contexto europeo son algunhas das cuestións que se debaterán na sesión.