Hai dez anos a Fundación Caixa Galicia mercou o Teatro Fraga de Vigo para convertelo no emblema da súa actividade cultural. Neste tempo, fusionáronse as caixas galegas que posteriormente se converteron en banco reconvertindo toda a súa actividade cultural e social. Aquel proceso fÃxose en paralelo a unha rehabilitación millonaria (varios medios estimaron no seu momento vinte e cinco millóns de euros) do céntrico edificio vigués que, malia a estar rematado, nunca chegou a ser inaugurado. Hoxe, segundo publica Atlántico Diario, o edificio permanece pechado á espera de comprador, sen que a entidade non especificou o prezo.
