Unha xornada conmemora a compilación do Dereito Civil Galego

Hai xa 50 anos que se realizou a primeira compilación do Dereito Civil específico de Galicia, un corpus de textos legais que marcou o desenvolvemento do noso país e que hoxe aínda mantén boa parte da súa vixencia. Para conmemorar o aniversario deste traballo, o Consello da Cultura organiza este venres 12 en colaboración coa Universidade de Santiago de Compostela unha xornada na que se impartirán dúas conferencias sobre esta cuestión e que comezará ás 16:30 horas.