O ciclo Nexos continúa o diálogo entre a literatura e outras disciplinas

A Cidade da Cultura continúa con Nexos o ciclo "Galicia, Ceo das letras", a programación cultural levada a cabo durante os dous últimos anos. Nexos "busca ir un paso máis alá, abríndose a outras disciplinas, pero tomando a literatura como eido condutor". Nexos constará de cinco sesións nas que se abordará o universo filosófico de Rayuela, a irrupción do ollar feminista da man de Clarice Lispector e Virginia Woolf, o papel do deporte na sociedade actual, o devir da cultura labrega tradicional e a capacidade corrosiva do humor, sinalou a Xunta.