"Galician peasants". Procedente de Spanish Galicia
O exemplar descargámolo desde Archive.org, pero os seus contidos soan ben próximos. É "Spanish Galicia", unha crónica de viaxes do escritor inglés Aubrey F. G. Bell, que describe con agarimo o seu percorrido pola "pouca coñecida" Galicia durante os anos 20, para o público inglés. Bell, gran coñecedor da literatura e da cultura galegas, enceta nestas crónicas as paisaxes, hoxe xa bastante distintas, coa vida cultural e humana. Por exemplo, nesta cita sobre A Coruña: "Aquí, o historiador Don Manuel Murguía, pode ser visto, a pesar dos seus oitenta e sete anos (1920), paseando vigorosamente pola Rúa Real abaixo da man da súa filla, e vestindo sombreiro de copa e levita no día máis caluroso de agosto".
