Capa de Cartas de inverno
Antonio Seijas, coa súa adaptación en banda deseñada da novela Cartas de inverno de Agustín Fernández Paz, levou a pasada fin de semana o premio Isaac Díaz Pardo ao Libro Ilustrado que outorga a Asociación Galega de Editores. O traballo de Seijas, editado por Xerais, era a única banda deseñada que optaba a esta categoría e competía con seis libros ilutrados. En paralelo, onte dábanse a coñecer os traballos premiados no Concurso de Creación de BD dos Encontros de Banda Deseñada da Mariña. Azar, de Nicolás Martín Alessandro e Julián Rocha impúxose na categoría aberta, na que Inés Vázquez Ramallal obtivo o segundo posto.
Sara Palomino Arnanz e Myriam López Otero obtiveron o primeiro premio na categoría escoltar ata 18 anos, mentres Andrea Barro Rodríguez impúxose na de estudantes ata 14.
