Era unha cita clásica do calendario cinematográfico de Santiago instalada no último trimestre do ano. Fiel á orientación da Fundación Araguaney, entidade que o organizaba desde hai unha década, Amal pretendía achegar a problemática árabe a través de filmes realizados neses países ou en Europa. Sufriu numerosas modificacións ao longo da súa historia e desde hai un tempo realizaba mostras da sección oficial en diferentes ciudades españolas e latinoamericanas. De feito, malia que en 2013 non haberá sección oficial competitiva. Os motivos, para o presidente da Fundación, Ghaleb Jaber, “a falta de apoio institucional, sobre todo por parte do concello, que mantivo unha actitude belixerante”.
“É un festival que proxecta a Santiago no mundo, que ten un orzamento duns 300.000 euros e que o concello só colaboraba con 10.000 euros, mentres destinaba 500.000 euros a outros dous festivais” contextualiza Ghaleb Jaber. O presidente da Fundación Araguaney especifica que perde a sección oficial competitiva, pero a mostra permanece. “Solicitaremos o Teatro Principal como sempre, porque hai unha cidadanía e uns espectadores fieis aos que hai que seguir atendendo pero non será un festival competitivo, con xurados, directores e xornalistas internacionais” puntualiza.
A Fundación Araguaney manterá a mostra en Santiago, pero tamén en Mexico, Arxentina, Panamá, Venezuela, Marruecos e Madrid onde exhibirá estará títulos premiados nestes dez anos de traxectoria e incorporará 5 novos filmes actuais. Ademais, pretenden manter a colaboración iniciada en 2012 con La 2 de TVE que exhibiu un ciclo de proxeccións temáticas
*Información actualizada
