Logo do seu aplaudido libro-disco A nena e o grilo, Magín Blanco recunca en formato e personaxes. Fol Música acaba de presentar A nena e o grilo nun barquiño, un conxunto de trece contos que se publican acompañados por outras tantas cancións e actividades didácticas. O proxecto, de sesenta páxinas, conta con ilustracións de Leandro Lamas e presentarase de xeito oficial o vindeiro 8 de marzo no marco do Salón do Libro Infantil de Pontevedra. Un concerto no mesmo recinto inaugurará a xira de presentacións o día 9 no mesmo espazo. O disco gravouse no estudio de Jorge Juncal en Moaña, na Cova dos Peixes con Guilllerme Fernández e en Casa de Tolos con Segundo Grandío.
O proxecto conta con colaborcións como as de Uxía, Fran Perez, Guillerme Fernandez, Isaac Palacin ou Segundo Grandío, entre outros, e sairá á venda, a partir do 5 de marzo, a un prezo duns 20 euros.
