Non hai Goya para os galegos

Nin O Apóstolo, nin Invasor nin Todo é silencio conseguiron facerse con algún dos sete Premios Goya aos que aspiraban. A gala que se celebrou na noite de onte en Madrid rematou sen recoñecemento ao audiovisual galego. O Apóstolo caeu ante La aventuras de Tadeo Jones na categoría de mellor filmed e animación, e Invasor, de Vaca Films, voltou de baleiro malia ás cinco categorías nas que aspiraba a galardón (son, efectos especiais, montaxe, guión adaptado e mellor actor de reparto). Tampouco houbo fortuna para o guión adaptado de Todo é silencio, de José Luis Cuerda a partir da novela homónima de Manuel Rivas.