A asociación Desconcierto Cultural chama a celebra o Record Store Day en Galicia, e para isto quere editar un vinilo con 5 temas inéditos de bandas galegas. A iniciativa chama á participación do público para reunir fondos, mediante crowdfunding cos que costear a edición do disco, que se gravará en Litium Records, Pontevedra. Os grupos participantes, polo de agora secretos, darán ademais concertos nas tendas que participan no proxecto.
Canda a esta proposta, chéganos tamén a nova de que tamén Esquíos teñen aberta unha colecta de fondos en Verkami para editar o seu novo disco, que levará por título Porcocan. O prazo para facer achegas abriu esta mesma semana.
