Imaxe dos premios do 31 Saló del Còmic
Están xa abertas as votacións para os premios do 31 Saló Internacional del Còmic de Barcelona, un dos principais galardóns anuais para a novena arte estatal. Aínda que boa parte das categorías están abertas unicamente a profesionais, os lectores teñen a posibilidade de votar o mellor cómic publicado en España en 2012 mediante o web de FICOMIC. Pola súa banda, tamén o web Entrecomics abriu a súa elección anual das mellores BDs, como é habitual aberto a todos os lectores que poden propor os títulos que consideren nas diferentes categorías. Desde Culturagalega.org, como en anteriores edicións, queremos animar aos nosos lectores a votar autores e editoras galegas nestes certames.
