Neste 2013 cúmprense 150 anos da publicación de Cantares Gallegos de Rosalía de Castro. Unha efeméride que o Consello da Cultura Galega quere celebrar cun congreso internacional que ten unha faceta presencial e outra virtual co que ampliar o coñecemento que temos de Rosalía. Coa publicación hoxe do sitio web, ábrense dous prazos para participar nesta achega. Dunha banda a inscrición da primeira das xornadas presenciais e, da outra, a apertura do prazo de recepción de comunicacións para o congreso virtual.
