Unha asociación ferrolá convoca un certame de textos de contraportada

"Promover a calidade dos textos que acompañan o libro na contraportada ou lapelas e mais de resaltar a súa importancia pola información que transmite ao futuro lector" son os principais obxectivos cos que nace o I Premio Muíño do vento de textos de contraportada. A Asociación Sociocultural de Canido, Ferrol, convoca este certame, ao que se poden presentar todos os libros de literatura infantil e xuvenil editados en 2012. O galardón, consistente nun cadro do pintor ferrolán Poldo Rapela, entregaráselle ao autor do libro, con independencia de quen elaborase o texto da contracapa.