María Dolores Villanueva, Carmen Pérez Pais, Manuel Puga, Silvestre Gómez Xurxo, Xavier Martínez Covas e Andrés Dapena son as novas incorporacións ao Padroado da Fundación Penzol, que celebrou onte a súa xuntanza en Vigo. Canda aos outros membros, eles serán os responsables de programar os actos cos que esta entidade quere celebrar, o vindeiro mes de maio o seu 50 aniversario. Ademais, a Penzol prevé celebrar o centenario de Francisco Fernández del Riego. Precisamente o Concello de Lourenzá ten previsto realizar o vindeiro 7 de xaneiro unha homenaxe ao falecido galeguista.
