O Top Ten Comic Artist 2012 que publicou o web Comicsbulletin inclúe a galega Emma Ríos como unha das autoras máis destacadas do último ano. Os críticos Dylan Tano, David Fairbanks, Steve Morris, Danny Djeljosevic, Chris Kiser, Shawn Hill, Zack Davisson e Keith Silva, que elaboran a lista, destacan a súa capacidade á hora de planificar as páxinas e, de xeito especial o seu traballo na obra Doctor Strange: Season One.
Canda a ela, atopamos galegos tamén nas listaxes estatais do mellor de 2012. Tal e como recolle Praza Pública, os últimos traballos de David Rubín (El héroe 2) e Miguelanxo Prado (Ardalén) están entre as recomendacións do xornal ABC, en TVE ou nas que realizou o debuxante Pepo Pérez.
