O Festival do Norte ameaza con deixar Vilagarcía

O Concello de Vilagarcía non incluíu este ano o Festival do Norte na súa lista de subvencións directas. Segundo o concelleiro de Cultura, Francisco González, a intencion do consistorio é coñecer polo miúdo os proxectos da organización do evento antes de consignar unha contía concreta, no lugar de outorgarlle unha subvención previa fechada e nominativa. Os responsables do evento, unha das citas musicais de referencia do verán galego, anunciaron que de perderen o apoio económico do concello, trasladarían o festival. O evento xa víu diminuír en preto dun 50% a achega municipal na súa última edición.