Juan Tallón leva o Premio Lueiro Rey

Fin de poema é o título da obra coa que Juan Tallón se facía, esta fin de semana do XIX Premio Lueiro Rey de Novela Curta. O galardón, dotado con 3.000 euros, está organizado polo Concello do Grove e a editorial Sotelo Blanco, que editará o traballo gañador. En paralelo, fallouse tamén o XI premio Plácido Castro de Tradución. Lorenzo Moroño e Elena Sherevera, pola súa versión da "Antoloxía de poesía rusa: de Pushkin a Evtushenko" e Camiño Noia, pola súa tradución de "O gran Meaulnes" resultaron gañadores desta edición.