O dramaturgo coruñés Raul Dans consegue o premio Born de Teatro

Raúl Dans (A Coruña, 1964) xa sabía o que significaba conseguir A Musa, a estatuíña deseñada por Sebastiá Marquès que representa o Premi Born de Teatre. O primeiro galardón conseguiuno en 1997, aínda que daquela foi compartido con Gerard Vázquez. O segundo foi esta fin de semana, cun texto titulado Una corriente salvaje que o xurado valorou pola súa calidade literaria. Este galardón concédeo o Cercle Artístic de Ciutadella de Menorca está dotado con catorce mil euros mais a publicación da obra nos catro idiomas oficiais do Estado (catalán, galego, euskera e castelán).