Roberto Vidal Bolaño
Belén Quintáns, Roi Vidal, Rubén Ruibal, Antón Dobao, Francisco Macías, Xosé Manuel Fernández Castro e Camilo Franco están a promover a creación da Asociación Roberto Vidal Bolaño (RVB 2013). Entre os seus cometidos, segundo figura nunha nota de prensa está “promover a figura e a obra do autor dez anos despois da súa desaparición, así como realizar labores de orientación ou asesoría sobre a obra e a figura do escritor, fornecer de materiais para o ensino e canalizar as necesidades que poidan ter colectivos e particulares arredor da súa figura”. Desta forma se organiza unha entidade arredor da figura deste persoeiro ao que se lle dedica o día das letras galegas o vindeiro ano.
