Agustín Sánchez presenta Pezas de aquí e acolá

Os sons dun cuarteto tradicional a interpretar swing, tango, danzón ou valse venezolano canda ás máis habituais muiñeira, xota ou pasodobre. Esta é a proposta que fai o gaiteiro Agustín Sánchez en Pezas de aquí e acolá, o seu primeiro disco. Un total de 12 temas que está a presentar con concertos por todo o país acompañado do cuarteto Farrapos de Ghaita. O CD, autoeditado, inclúe a partitura das pezas en formato pdf.