Un catálogo pon fin á actividade do Ano Granell

Non é un catálogo ao uso, senón un volume que aborda desde diferentes perspectivas a poliédrica figura de Eugenio Granell (A Coruña, 1912-Madrid, 2002). Nel participan personalidades como William Jeffet, conservador do Salvador Dalí Museum de San Petersburgo, ou Paloma Esteban, conservadora do Departamento de Pintura do Museo Reina Sofía. Coa edición desta obra ponse fin ás actividades celebradas ao longo deste ano co gallo do centenario do seu nacemento.