Ourense complementa o OUFF con gastronomía inspirada en filmes

Baixo o título Ourense sabe a cine, o concello de Ourense completa a oferta cultural relacionada co festival de cine, o Ouff. Trátase dun programa gastronómico no que participan 36 restaurantes e taperías da cidade co obxecto de ofrecer pratos inspirados en filmes cinematográficos. Tapas a partir de 1.80 e menús desde 14 euros conforman unha oferta que supera o estritamente cinematográfico pero que é unha liña de traballo que tamén realizan outros encontros deste tipo como o Festival Amal en Santiago.