Anthony Padgen retoma o seminario "O(s) sentido(s) da(s) cultura(s)"

"De la monarquía católica a la república virtuosa. El imaginario político en la creación del mundo iberoamericano" é o título da conferencia coa que Anthony Pagden, da University of California intervirá esta tarde na Biblioteca do Consello da Cultura Galega (CCG). Deste xeito retómase o ciclo de conferencias "O(s) sentido(s) da(s) cultura(s)" cos que o CCG pretendeu afondar nas múltiples significacións da cultura. As primeiras das contribucións deste seminario que comezou no ano 2007 xa se poden consultar en forma de publicación.

O ciclo contou xa con intervencións de pensadores como Slavoj Zizek, Félix Duque, Alberto Ruiz de Samaniego, Darío Villanueva, Héctor Díaz de Polanco, Josep Ramoneda, Ernesto Laclau, Fernando Castro Flórez, Anne-Marie Thiesse, José Luis Villacañas, Anne Phillips, José Manuel Sánchez Ron, Rafael Argullol, William Shea, Donatella della Porta, Bartolomé Clavero ou Lisa Wedeen.