Capa de Compota de Manati
Un novo fanzine de banda deseñada nace na Coruña. Compota de Manatí é o primeiro lanzamento do colectivo de ilustradores Miñoco, composto por Jorge Fernández, Yago García, María Álvarez e Elena Valverde. A publicación, á venda por 4 euros, está composta por sesenta páxinas que combinan historias curtas en branco e negro e textos ilustrados. Os autores sinalan que o proceso creativo guiouse por un proceso de aleatoriedade que lle dá unha especial orixinalidade ás historias. O volume presentarase o vindeiro sábado 22 ás 19 horas na libraría Alita (R/ Orzán 94, A Coruña).
