Meteogalicia implementa a aplicación MeteoSIX para móbil

A aplicación MeteoSIX, coordinada por Meteogalicia, permite dispor da información da rede meteorolóxica galega no teléfono móbil. Dispoñible de balde tanto para iPhone como para Android, o programa acaba de recibir a súa última actualización, e aproveita a tecnoloxía de xeolocalización para ofertar a previsión do tempo no mesmo lugar desde o que se fai a consulta. A aplicación achegar datos sobre estado do ceo, temperatura, precipitacións, vento, cota de neve, humidade relativa, cobertura nubosa, presión, altura, período e dirección de onda e temperatura e salinidade da auga, e permite gardar puntos favoritos para vindeiras consultas localizadas.