O Consello da Xunta aprobou hoxe outorgarlle ao grupo folk Milladoiro a Medalla de Ouro de Galicia, que se entregará o vindeiro 25 de xullo. Canda a eles, foi galardoada a Real Academia Galega de Medicina e Cirurxía e mais Javier López López, Rodrigo Maseda e José Antonio Villamor os policías locais que faleceron na praia Orzán o pasado 27 de xaneiro tentando salvar a vida do mozo eslovaco Tomas Velicky. As Medallas de Galicia recoñecen o traballo a prol do país nos campos social, cultural ou económico.
