A Escola Superior de Arte Dramática presenta a súa compañía escénica

A Tempestade de Shakespeare é a montaxe coa que se presenta ao público a compañía da Escola Superior de Arte Dramática (ESAD). Trátase dun proxecto pedagoxico de carácter escénico destinado tanto a alumnos da ESAD que estean a cursar os seus estudos, como para aqueles alumnos acabados de titular. A compañía non pretende competir co teatro profesional e traballará exclusivamente na realización de espectáculos (infantís, contemporáneos) e non ocuparán ámbitos profesionais. O director desta proposta é o profesor da escola Dani Salgado. Entre as primeiras actuacións que desenvolverán está a súa participación no programa da XXVIII edición da MIT de Ribadavia, así como un encontro de escolas de teatro que se desenvolverá en Guimaraes, co gallo da capitalidade cultural europea.