Tres novos concertos súmanse ao ciclo Galicia Importa

A cantante de soul Mavis Staples actuará no Auditorio de Galicia o vindeiro 6 de novembro. Máis tarde, a Sala Mondo de Vigo acollerá os concertos do trío de rock Therapy? (15 de novembro) e do grupo de pop electrónico Saint Etienne (16 de novembro). Estas son as novas incorporacións ao ciclo Galicia Importa, que patrocina a Consellaría de Cultura e organiza a produtora Sweet Nocturna. As entradas poranse á venda logo do 1 de agosto a través de Servinova.