"Unha axencia de carácter independente que promova a acción cultural exterior, para evitar duplicidades e asignar mellor os recursos”. Esta é a proposta do presidente do Consello da Cultura Galega, Ramón Villares para optimiza a proxección da nosa cultura no mundo. Así o defendeou onte no seu relatorio sobre Cultura asociacionismo e acción exterior no X Pleno do Consello de Comunidades Galegas. O historiador defendeu asimesmo a importancia "dos centros galegos creados na diáspora porque poden adoptar un novo perfil axeitado ás necesidades dunha sociedade amplamenmte globalizada”.
Para alén de chamar a aproveitar as redes de intercambio de coñecemento internacionais que, para alén de proxectar a nosa cultura tamén lle acheguen riqueza, Villares apostou por "unha concepción do galego como lingua de comunicación que facilite a permeabilidade dos falantes cos países de lingua portuguesa, nomeadamente co Brasil”.
