Distribución do investimento económico da Fundación Barrié en 2011
A Fundación Barrié presentou a súa Memoria Económica 2011, destacando os principais ámbitos de investimento da fundación. Dos once millóns e medio de euro investidos en 2011, un 41% dos recursos estiveron destinados a patrimonio cultural (a acción estrela foi a restauración do Pórtico da Gloria da catedral de Santiago) e case un 43% dos recursos foron para Investigación e Educación, que segue a consolidarse como a principal área estratéxica de investimento da Barrié a través dos seus diferentes programas, integrados na liña educaBarrié, inaugurada en 2011. A maiores, máis dun 14% do orzamento destinouse a axudas de carácter social.
