A Fundación Barrié destinou a programas culturais e de recuperación do patrimonio 5 millóns

5.134.59,15 euros. Esta é a cifra exacta que a Fundación Barrié destinou a actividades relacionadas con patrimonio e cultura no ano 2010. Así figura na súa memoria anual que se pode consultar deste hoxe na rede. O documento desglosa as actividades nas que se invertiu esa cantidade. No ámbito de recuperación patrimonial destacan as actuación realizadas ao abeiro dos programas Pórtico Virtual, Patrimonio Vivo e Catedral de Santiago. No que atende ás actuacións culturais, a memoria destaca a primacía das actividades didácticas "como aposta estratéxica diferenciadora para obter resultados concretos e dimensionables a curto prazo”. A memoria tamén suma todas as cantidades que se levan investindo nestes conceptos desde queu comezou a súa obra social e cultural, cuxa cifra ascende a 118 millóns.