A demografía centra os foros do Instituto de Estudos das Identidades

O Museo do Pobo, en Compostela, acolle o vindeiro 28 de xuño o primeiro dos foros do Instituto de Estudos da Identidades deste ano. Co lema Natalidade e vellez en Galicia. Un pobo con pasado, un pobo con futuro?, estes encontros transcorrerán por diferentes localidades do país buscando a reflexión da sociedade civil encol da problemática demografía galega.

Nesta primeira xeira participarán a catedrática de socioloxía Rita Radl Philipp, Dolores Monteagudo da Sociedade Galega de Xerontoloxía, Manuel Macía Cortiñas, xefe de Obstetricia do CHUS e Marinha Cavaleiro da Asociación Mámoa. As conclusións dos diferentes encontros reuniranse nunha publicación.