O Concello de Vigo retíralle o apoio ao éMundial

A retirada sorpresiva do apoio que o Concello de Vigo asegurara ao programa éMundial obrigou a modificar o programa deste evento. A Associaçom Galega da Língua (AGAL) denunciaba o pasado sábado que o goberno municipal lles denegou, logo de seis meses de traballo conxunto, o apoio económico e o permiso para empregar determinadas instalacións para este evento. A cita, no entanto, continúa adiante, aínda que reducido e con modificacións. O encontro de escritores da lusofonía, presentado por Xurxo Souto, abría o pasado sábado o programa, e unha mesa sobre banda deseñada continúa hoxe os actos. A AGAL dispoñibilizou unha conta bancaria para que as persoas interesadas poidan contribuír a cubrir os custes do proxecto.