O sistema de gratuidade de libros de texto ampliarase o vindeiro curso a todos os niveis de ensino obrigatorio e chegará ao 70% dos escolares do país. O DOG publica hoxe a convocatoria destas axudas, que segundo a Consellaría, manteñen os requisitos do último curso. O prazo para as solicitudes para os alumnos de primaria e educación especial abre mañá e remata o 2 de xullo, mentres os estudantes de secundaria poden facer a súa solicitude entre o o 25 de xuño ao 26 de xullo para o que formalice matrícula no prazo ordinaria, e entre o 1 setembro e o 1 de outubro para os que fagan matrícula extraordinaria.
Segundo denunciaba esta mesma semana Praza Pública, o actual sistema de gratuidade da Xunta resulta xa máis caro do que o de préstamo de libros posto en marcha co anterior goberno.
