Vitrina de One never-ending,...yesterday
Un antigo xogo infantil. Sobres con secuencias de fotogramas. Unha proxección. O cordobés Jesús Pedraza Villalba desembarca na galería viguesa PM8 co seu proxecto One never-ending,...yesterday. A partir dun visor de xoguete e de lotes de fotogramas, o artista monta un film reunindo secuencias soltas e reflexiona sobre o xeito de percibirmos a imaxe e as capacidades evocativas da mesma como lembranza. Canda a isto pode verse todo o material físico que deu pé ao proxecto.
Esta iniciativa inaugura os Special Projects de PM8, consistentes en accións paralelas fóra do seu espazo. Así Pedraza ten en marcha en Persuade (Bilbao) a videocreación Porque perdimos la guerra. Neste caso, o vídeo amosa unha serie de papeis de cores nunha mesma estrutura, e está tamén acompañado de material que constribúe á narrativa da obra.
