Bankia pecha o seu único espazo cultural en Galicia

Segundo informa El Correo Gallego, o Espazo de Lectura que a Fundación Caja Madrid tiña nun antigo caserón da rúa Casas Reais, de Santiago, pechará en breve. Aínda que non se coñece a data exacta de peche, segundo o xornal compostelán "a remodelación de Bankia que deixou á Fundación sen o respaldo económico da entidade vai provocar o peche inmediato deste servizo". O Espazo de Lectura de Caja Madrid abrira as súas portas hai dez anos.