Cartel do encontro Neuromagic
Co lema Os enganos da mente, celébrase na Illa de San Simón, ata o vindeiro 10 de maio, a segunda edición do encontro Neuromagic. Do mesmo xeito que no pasado ano, ilusionistas e científicos especializados en neurociencia analizarán e debaterán o xeito no que a mente humana crea e responde ás ilusións. Susana Martínez-Conde e Stephen Macknik de The Neural Correlate Society, coordinan un encontro no que participan pola banda dos ilusionistas Kiko Pastur, Miguel Ángel Gea, James Randi, Ava Do, Apollo Robins, D.J. Grothe e Chris Kenner. Pola neurociencia acoden Susana Martínez-Conde, Stephen Macknik, Mel Slater, Jed Elison, Flip Phillips, Beatrice de Gelder, Luis Martínez Otero e Amir Raz. Boa parte das intervencións poderán seguirse a través da rede.
