O Museo Imaxinado (II): a pintura ata finais do século XIX

Como sería un Museo Nacional de Arte de Galicia? Xesús Baños, presidente da Asociación de Amigos do Arqueolóxico da Coruña, fíxose esa pregunta hai un ano e medio e comezou a descubrir que moitas das obras de arte máis significativas de Galicia atópanse hoxe fóra, nalgunhas das principais coleccións pictóricas do mundo. Nesta segunda entrega de O museo imaxinado Baños detense na pintura, desde o Renacemento ata finais do século XIX.



Título: Adoración dos Reis
Autor: Hugo van der Goes
Cronoloxía: arredor de 1470
Procedencia: Colexio do Cardeal, Monforte
Ubicación actual: Gemaldegarie, Berlin
Comentario: A pintura máis valiosa que endexamais houbo en Galicia. Foi vendida no ano 1910 ao Kaiser Friedrich Museen de Berlín por ¡1.260.000 pesetas! da época. A súa venda levantou controversia e algúns intelectuais e artistas como Menéndez Pidal, Emilia Pardo Bazán, Sorolla ou Zuloaga abriron unha subscrición popular para evitar a venda da obra pero só recadaron 76.000 pesetas. O cadro saiu finalmente de Galicia en xaneiro do ano 1914.




Título: Biblia Kennicott
Cronoloxía: 1475
Procedencia: A Coruña
Ubicación actual: Bodleian Library, Oxford
Comentario: Este marabilloso libro, encargado polo xudeo Isaac de Braga, é unha testemuña única da presencia xudía en Galicia, e na Coruña, en particular. Da cidade coruñesa tamén se conservan no Museo Arqueológico Nacional de Madrid, tres lápidas xudeas dos séculos X-XI aparecidas no Corralón da Gaiteira.




Título: Cristo morto sostido por un anxo
Autor: Antonello de Messina
Cronoloxía: arredor de 1476
Procedencia: Matías Yáñez Rivada, Monforte
Ubicación actual: Museo Nacional del Prado, Madrid
Comentario: Poucas veces unha imaxe que debería resultar dramática é capaz de transmitir unha sensación tan grande de serenidade, como nesta obra. A paisaxe do fondo e o ceo contribuen a crear un ambiente hipnótico polo que resulta difícil non permanecer varias minutos contemplando o cadro. Acaso formou, ao igual que a excepcional Adoración dos Reis, de Van der Goes, da colección do Colexio do Cardenal de Monforte.




Título: San Xerome penitente
Autor: Antonio de Puga
Cronoloxía: 1636
Ubicación actual: The Bowes Museum, Barnard Castle, Inglaterra
Comentario: Antonio de Puga é un artista do que pode haber moitas obras fóra de Galicia. E dicimos que pode, porque ésta é a única que asinou. As obras conservadas do Hermitage de San Petersburgo, no Museo Cortés de Puerto Rico ou no Museo Goya de Castres, non deixan de ser atribucións.




Título: La niña de los pies descalzos
Autor: Pablo Picasso
Cronoloxía: A Coruña, 1895
Ubicación actual: Musee National Picasso, Paris
Comentario: Un museo imaxinado de Galicia debería conter tamén obras de artistas foráneos realizadas en Galicia, como Picasso, Sorolla ou actualmente Tim Behrens. A máis emblemática sería esta, realizada polo xoven Picasso durante a súa etapa coruñesa. O artista malagueño, que sempre foi o mellor coleccionista da súa propia obra, conservou este cadro durante toda a súa vida.



Título: Redençao do Cam
Autor: Modesto Brocos
Cronoloxía: 1895
Ubicación actual: Museu Nacional de Belas Artes, Rio de Janeiro
Comentario: O autor está relacionado indirectamente con Picasso, pois o seu irmán Isidoro Brocos foi profesor de Picasso durante a súa etapa coruñesa. A obra representa tres xeracións dunha mesma familia: a avoa, negra; a filla, mulata; e a neta, xa de pel branca