Comezan as xornadas do Consello da Cultura sobre arte contemporánea

“A Creación e os artistas” é o título da sesión coa que abren, ás cinco desta tarde, as xornadas Arte contemporánea en Galicia 2012. O estado da cuestión no sector. A Sección de Creación e Artes Visuais Contemporáneas do Consello da Cultura organiza un evento no que se pretende analizar polo miúdo a actualidade artística do país. Á sesión dedicada á creación, seguirá mañá outra centrada no comisariado a crítica e formación. O papel das institucións, e o mercado da arte completarán a panorámica os días 18 e 19 deste mes.